又係九龍城，呢期幾乎隔日又喺度出沒。黎到新開幾個月嘅印尼餐廳食晏，驟看「撈喜」以為係普通粉麵店，招牌唔算起眼，路經門口先知係印尼菜。
試晒兩款招牌菜，「聖架哇乾撈麵」用上自家製麵條，個麵撈左香蔥油之類勁香，咬落煙韌彈牙，配上叉燒、鹵肉粒、豬油渣、炸蝦片、小雲吞、魚蛋夠豐富，富有地方特色風味。而「印尼牛丸湯粉」都對味，但湯底同配料整體未算有驚喜，相對黎講撈麵實屬較為惹味出色。
每款好似大約 $40-$50 左右，以呢個價錢黎講，食物質素合格有餘，只係麵條份量過少，女仔食完都唔夠飽要食下場 😅 同埋飲品單點都成廿幾蚊，如果有套餐價錢會更吸引呀。